Քթի սփրեյը կօգնի ազատվել վախից

Գերմանացի գիտնականները ցուցադրել են՝ ինչպես է օքսիտոցինը ճնշում վախը: Հետազոտության արդյունքները հետագայում կարող են օգտագործվել տագնապային խանգարումների բուժման համար:
 
Հետազոտությանը մասնակցեցին 62 առողջ տղամարդ: Հետազոտվողներին ցույց էին տալիս մարդկանց լուսանկարներ և անցկացնում մագնիսառեզոնանսային տոմոգրաֆիա: Նկարների 70%-ին հետևում էր էլեկտրական կարճ տհաճ հարված՝ ձեռքին ամրացրած էլեկտրոդով: Կամավորների հիշողության մեջ որոշակի նկարներ կապվեցին վախի ու տագնապի զգացողության հետ: Արդյունքում, մասնակիցները հարվածին սպասելիս պատվում էին սառը քրտինքով, իսկ ուղեղի այն հատվածներում, որոնք պատասխանատու էին վախի առաջացման համար, զգալի բարձրանում էր ակտիվության աստիճանը:
Այնուհետև կամավորների կեսը քթի սփրեյի տեսքով օքսիտոցին ստացավ, մյուս կեսը՝ պլացեբո:
Արդյունքում, օքսիտոցինի ազդեցությամբ նշաձև մարմնում (վախի առաջացման համար պատասխանատու հատված) ակտիվության մակարդակը զգալի նվազեց:
Ավելին, վաղ ԱՄՆ-ում, գիտնականներն իրենց հետազոտություններում պարզել էին, որ տվյալ հորմոնը աուտիկ  խանգարումներով երեխաների մոտ սոցիալական բնույթի տեղեկատվության մշակման ժամանակ բարձրացնում է ուղեղի ակտիվությունը: Ըստ գիտնականների՝ ստացված նոր տվյալները կօգնեն ապագայում ավելի արդյունավետ բուժել տագնապային խանգարումներով պացիենտներին և կօգնեն ավելի վստահելի հարաբերություններ ստեղծել բժշկի և պացիենտի միջև:
Ամեն դեպքում, ստացված տվյալները հարկ կլինի հաստատել ավելի մեծ կլինիկական հետազոտությունների ընթացքում:
 
 
 
Թարգմանված նյութի աղբյուրը՝ Doctors.am
Սկզբնաղբյուր՝ Medportal.ru