Կարեն

Ռուբեն Ռոմենի Բորոյան

Հարց  

Բարև Ձեզ: Ես 29 տարեկան եմ: Ամուսնացած եմ, երեխաներ չունեմ: Ուլտրաձայնային հետազոտությամբ ինձ մոտ ախտորոշել են խրոնիկ կալկուլյոզ պրոստատիտ ռեմիսիայի շրջանում: Ուզում եմ իմանալ սա բուժվում է, և հնարավոր է, որ այս հիվանդությունից է, որ երեխաներ չունեմ:

Պատասխան  

Հարգելի հարցատու, նախևառաջ նշեմ, որ այդպիսի հիվանդություն՝ քրոնիկ կալկուլյոզ պրոստատիտ ռեմիսիայի փուլում գոյություն չունի: Եթե խոսքը շագանակագեղձի բորբոքման մասին է, ապա գոյություն ունեն սուր բակտերիալ պրոստատիտ և քրոնիկական բակտերիալ պրոստատիտ: Այս հիվանդությունների ախտորոշումը հիմնվում է հիվանդի սուբյեկտիվ գանգատների, մեզի և սերմնահեղուկի լաբորատոր հետազոտության վրա: Ուլտրաձայնային հետազոտությամբ հնարավոր չէ ախտորոշել պրոստատիտ հիվանդությունը, հետևաբար, ՈւՁՀ-ն, տվյալ դեպքում, ունի օժանադակ նշանակություն, եթե ոչ՝ ավելորդ:

Տղամարդկային անպտղության պատճառներից են հորմոնալ խանգարումները՝ 9% դեպքերում, միզասեռական համակարգի ինֆեկցիաները, որոնց շարքում է նաև բակտերիալ պրոստատիտը՝ 8% դեպքերում, ամորձիների երակների լայնացումը՝ վարիկոցելեն, որը շուրջ 15% դեպքերում է հանդիսանում տղամարդու անպտղության պատճառ և շուրջ 31% դեպքերում չբերության պատճառն անհայտ է՝ իդիոպատիկ:

Այսպիսով, Ձեզ հարկավոր է հետազոտվել, հայտնաբերել անպտղության պատճառը, և, եթե այն դարձելի է՝ վերացնել: Առողջ եղեք

 

Նմանատիպ Հարցեր