Ի՞նչ պետք է իմանալ մաշկի խնամքի մասին.

Մեր հետևողները հաճախ տալիս են հարցեր, որոնք վերաբերվում են դեմքի մաշկի խնդիրներին և խնամքին:  
Ձեզ ենք ներկայացնում հաճախ տրվող 7 հարցերի պատասխանները: 

1. Ինչի՞ հետ են կապված մաշկի լայն ծակոտիները 25-30 տարեկանից հետո:

Առաջին հերթին դա կապված է սխալ խնամքից մասնավորապես տան պայմաններում:

2.  Ինչո՞ւ են առաջանում աչքի շուրջ մուգ շրջանակներ և ինչպե՞ս պայքարել դրանց դեմ:

Աչքի մուգ շրջանակները հիմնականում պայմանավորված են գենետիկայով: Երեխաները ժառանգում են ծնողների կողմից: Եվ, իհարկե, կարող են առաջանալ նաև ներքին խնդիրների պատճառով, օրինակ`երիկամների ֆունկցիոնալ խանգարումների դեպքում:
Էսթետիկ առումով կարող ենք մի քանի պրոցեդուրա կատարել. մեզոթերապիան, հիպոֆիլինգը և ֆիլերների օգնությամբ ներարկումները կարող են նպաստել մուգ շրջանակների  գույնի լավացմանը:

3. Արդյո՞ք պետք է խոնավեցնել յուղոտ մաշկը:

Խոնավեցնել պետք չէ: Յուղոտ մաշկը պետք է ճարպազրկել և հատուկ խնամել: 

4. Ճի՞շտ է արդյոք, որ դեմքի մկանների վարժությունները կանխում են կնճիռների առաջացումը:

Ճիշտ վարժությունները կանխում են: Դեմքի մկանները միշտ պետք է հանգստացնել:  

5. Արդյո՞ք վնասակար է սկրաբների կիրառումը տան պայմաններում:

Վնասակար չէ:  Եթե  Ձեր մաշկի տեսակին համապատասխան ճիշտ սկրաբ ընտրեք, շաբաթը երկու անգամ կարելի է օգտագործել:

6. Ո՞ր տարիքից պետք է սկսել խնամել մաշկը:

Մաշկի պետք խնամել միշտ` ծնված օրվանից: Անցումային տարիքում կարելի է հաճախել բժիշկ- կոսմետոլոգին, ով որ ճիշտ խորհուրդներ կտա տվյալ մաշկի տեսակի, խնամքի միջոցների և կանոնների մասին:

7. Ինչպե՞ս ընտրել դեմքի խնամքի կրեմը և ինչին ուշադրություն դարձնել:

Դեմքի խնամքը շատ կարևոր է և յուրաքնչյուր միջոց ընտրելուց առաջ անպայման պետք է հետևել բժիշկ-կոսմետոլոգի հորդորներին: Պետք է ընտրել ըստ մաշկի տեսակի`չմոռանալով, որ  կրեմից զատ նաև լվացվելու հեղուկը, տոնիկը շատ կարևոր են վերջնական արդյունքի համար:



Հարցերին պատասխանեց «Gold's միջազգային բժշկական սպա»

կենտրոնի գլխավոր բժիշկ Կրիստինա Աշոտի Բաբայանը