Օրեր առաջ տեղի է ունեցել Ալվինա Դավթյանի առաջին հեղինակային գրքի շնորհանդեսը` «Ուսուցչի ձեռագիրը»: Գիրքը արդեն վաճառվում է «Բուկինիստ» և «Զանգակ» գրախանութներում:
«Ամեն աշակերտ կարիք ունի իրեն հավատացող ուսուցչի: Ձեր աշակերտների հետ դրական հարաբերություններ ունենալն օգնում է նրանց ավելի հաջողակ դառնալ»:
«Գուցե այս գրքի հաջորդ էջերը գրվելու են քո ձեռքով, սիրելի՜ ընթերցող»:
Գիրքը նվիրվում է հայոց լեզվի և գրականության ուսուցչուհի ` Վարդուհի Մուրադյանին: Նա կարողացել է մշտապես ոգեշնչել, նրա անսահման նվիրվածությունը ուսուցչությանը և աշակերտին տարիներ անց տվեց իր արդյունքը: «Ուսուցչի ձեռագիրը» գիրք է, որը պատմում է ուսուցչի մասին, ով մեծ ազդեցություն է ունեցել աշակերտների անձնական և կրթական «ճանապարհորդության» վրա: Այն խորանում է կոնկրետ ուղիների մեջ, որոնցով ուսուցիչը ոգեշնչել, խրախուսել և առաջնորդել է հեղինակին՝ ի վերջո նպաստելով զգալի անձնային աճի և ակադեմիական հաջողությունների ձևավորմանը: Ինքնակենսագրական այս պատումով Ա. Դավթյանն ընդգծում է ուսուցչի յուրահատուկ աշխատանքային մեթոդները, մոտիվացիոն ռազմավարությունները և անսասան հավատը աշակերտների ներուժի նկատմամբ: Գրքում առկա են ուղեցույցներ աշակերտների և ուսուցիչների համար:
