Կրծքով կերակրումը ոչ միայն անփոխարինելի սնունդ է փոքրիկի համար, այլև ձեզ կպահպանի անցանկալի հղիությունից և հետագայում՝ կրծքագեղձի քաղցկեղից: Կրծքով կերակրելուց ազդակներ են հաղորդվում գլխուղեղ, որտեղ արտադրվում է պրոլակտին: Պրոլակտինը ապահովում է կաթնարտադրությունը: Զարգանում է ֆիզիոլոգիական ամենորեա և ֆիզիոլոգիական չբերություն:
Մեթոդի ապահովության չափանիշները և արդյունավետությունը
Բեղմնավորման այս եղանակը կոչվում է լակտացիոն ամենորեայի մեթոդ: Դրա արդյունավետության չափանիշներն են:
Ամենորեա (դաշտանի բացակայություն)
Բացառապես կրծքով կերակրում (սնուցում և՛ ցերեկը, և՛ գիշերը)
Հետծննդյան շրջանի առաջին 6 ամիսները
Արդյունավետ է
- Հետծննդյան առաջին 6 ամիսներին
- Երբ բացակայում է դաշտանային ցիկլը
- Երբ երեխան կերակրվում է առանց հավելյալ սնուցման:
Այն մատչելի, հեշտ կիրառելի մեթոդ է, բացարձակ դարձելի է, չի պահանջում լրացուցիչ ծախսեր:
Խորհուրդներ, որոնք կօգնեն իրականացնելու կրծքով բարեհաջող կերակրումը
- Պահանջեք, նորածնի՝ ձեզ հետ շփվելու և կրծքով կերակրվելու որքան հնարավոր է շուտ իրականացումը
- Հաճույքով ընդունեք ձեր և նորածնի համատեղ մնալը
- Անհրաժեշտ է կրծքով կերակրել հաճախ, հենց որ երեխան սովածանում է՝ և՛ ցերեկը, և՛ գիշերը
- Առաջին 6 ամիսները կերակրել բացարձակապես, չտալ որևէ հեղուկ՝ անգամ ջուր
- 6 ամիս հետո, երբ տրվում է հավելյալ սնունդ, կրծքով կերակրումը պետք է նախորդի ցանկացած հավելյալ կերակրմանը
- Շարունակել կերակրել մինչև 2 տարեկան և ավել
- Շարունակել կրծքով կերակրել, անգամ եթե դուք կամ երեխան հիվանդ եք
- Խուսափել ծծակների, շշերի օգտագործումից
- Մայրերը պետք է ուտեն ու խմեն բավարար քանակով, որպեսզի հագեցնեն քաղցը և ծարավը:
Հետծննդյան շրջանում խորհուրդ է տրվում օգտագործել հետևյալ հակաբեղմնավորիչ միջոցները
- Կրծքով կերակրում
- Պահպանակ
- Դիաֆրագմա (խտրոց)
- Սպերմիցիդներ
- Ներարգանդային պարույր
- Բնական մեթոդներ (օրացույցային մեթոդ, պարբերական ինքնազսպում, ընդհատված սեռական հարաբերություն)
- Հորմոնալ միջոցներ
- Պրոգեստերոն պարունակող կամ կոմբինացված հակաբեղմնավորիչ հաբեր:
Անհրաժեշտ խորհրդատվություն կարող եք ստանալ մանկաբարձ-գինեկոլոգներից:
Աղբյուրը՝ Doctors.am
