Մեզանից շատերը հարդարվելիս ժամանակ առ ժամանակ որոշակի քանակությամբ մազեր են կորցնում, սակայն չափից ավելի շատ մազաթափությունը կարող է խոսել առողջական խնդիրների մասին:

Ըստ Cleveland Clinic-ի բժիշկ Լին Սիմփսոնի՝ նորմալ է, երբ մազերը թափվում են.

Սովորաբար կանայք օրական կարող են 50-150 մազ կորցնել, սակայն եթե Ձեզ թվում է, որ Դուք շատ մեծ քանակությամբ մազ եք կորցնում ամեն օր, ապա պետք է անպայման դիմել բժիշկի:

Եթե վիճակն այդքան էլ ծայրահեղ չէ, բայց Ձեզ, միեւնույն է, անհանգստացնում են թափվող մազերը, ապա կարող եք փորձել ինքնուրույն լուծել խնդիրը՝ կանխելով հետագա մազաթափությունը: Դրա համար նախ պետք է իմանալ, թե որոնք են մազաթափության պատճառները:

Ժամանակավոր մազաթափության պատճառները

1. Ձիգ կապված վարսերը եւ նմանատիպ հարդարման այլ տեսակները կարող են նպաստել մազերի թափվելուն: Նման սանրվածքը վնասում է նաեւ մազի ֆոլեկուլները: Այնպես որ, եթե չեք ցանկանում հրաժեշտ տալ Ձեր վարսերին, խուսափեք դրանք հաճախակի ձիգ կապելուց:

2. Մեր օրգանիզմում կտրուկ փոփոխությունները անդրադառնում են նաեւ մազերի որակի վրա: Ծննդաբերությունը, քաշի կտրուկ նվազումը, վիրահատությունները, որոշ հիվանդություններ եւ դեղամիջոներ կարող են սովորականից շատ մազաթափության պատճառ դառնալ: Սակայն պետք չէ անհանգստանալ. ժամանակի հետ մազերը նորից կաճեն:

 3.  Եթե օրգանիզմը չի ստանում բավարար քանակությամբ երկաթ, պրոտեիններ կամ վիտամին B12, ապա սա նույնպես կարող է նպաստել մազաթափությանը:

Մշտական մազաթափության պատճառները

1. Դաշտանադադարից առաջ, ընթացքում եւ հետո առկա հորմոնալ դիսբալանսը կարող է մշտական մազաթափության պատճառ դառնալ: 

2. Գլխի վնասվածքները, որի արդյունքում գլխամաշկի վրա սպիեր են առաջանում, նույնպես մշտական մազաթափություն են գուժում:

Բժիշկ Սիմփսոնը նշում է, որ

Որքան առողջ է օրգանիզմը, այնքան առողջ են մազերը:

Ըստ նրա՝ առողջ մարմնի եւ, հետեւաբար, առողջ մազերի բանաձեւը հետեւյալն է՝

  • Շատ ջուր խմել
  • Լավ քնել
  • Ֆիզիկական վարժություններ անել ամեն օր

Հ.Գ. Դեղորայքային բուժումը կարող է նշանակել միայն բժիշկը:

Աղբյուրը՝ Clevelandclinic.org