Մեր օրգանիզմի մոտ 60 %-ը ջուր է, և միևնույն է, մենք երբեմն ջրազրկվում ենք: Դեհիդրատացիայի հետևյալ հինգ պատճառները կզարմացնեն ձեզ:
Դիաբետ
Չախտորոշված շաքարային դիաբետի կամ դիաբետի ոչ ադեկվատ բուժման հետևանքով արյան մեջ գլյուկոզի պարունակությունը բարձր է լինում: Օրգանիզմը փորձում է միզարձակության հաճախացման շնորհիվ ազատվել հավելյալ գլյուկոզից, ինչն էլ մարդուն ջրազրկման վտանգին է ենթարկում: Խոսեք ձեր բժշկի կամ էնդքկրինոլոգի հետ , եթե անհանգստացած եք դիաբետի վերաբերյալ:
Ալկոհոլ
Խմելը դիուրետիկ էֆեկտ ունի, ստիպում է արագ կորցնել հեղուկը, միևնույն ժամանակ անկարող դարձնելով ընկալել, որ ջրազչկվում եք, ինչն իրավիճակն ավելի է բարդացնում:
Մեծ բարձրություն
Մեծ բարձրություններում ավելի արագ ենք ջրազրկվում: Պատճառն այն է, որ օրգանիզմը փորձում է հարմարվել նոր միջավայրին, բարձրացնելով հեղուկների էքսկրեցիան ու հաճախացնելով շնչառությունը (ինչի հետևանքով ավելի շատ գոլորշի ենք արտաշնչում):
Հղիություն
Հղի կնոջ օրգանիզմում տեղի ունեցող բազմաթիվ փոփոխություններից են նաև շրջանառվող արյան ծավալի ու սրտի արտամղման մեծացումը: Դրանք նույնպես բարձրացնում են ջրի պահանջը:
Սթրես
Երկարատև սթրեսը սպառում է ձեր մակերիկամները (նրանք են արտազատում սթրեսս հորմոնները): Դա բացասական է ազդում օրգանիզմում հեղուկների մակարդակի կառավարմանը, հանգեցնելով Էլեկտրոլիտների մակարդակի նվազման ու ջրազրկման:
Թարգմանված նյութի աղբյուրը՝ Doctors.am
Նյութը՝ Blog.zocdoc.com կայքի
