Քանի որ մեզանից շատերն օրվա մեծ մասն անցկացնում են համակարգչի դիմաց կամ սմարթֆոնի էկրանին նայելով, ապա զարմանալի չէ, որ կարող է առաջանալ պարանոցի քրոնիկ ցավ: Պարանոցի ցավը սովորաբար առաջանում է մկանների թուլանալու կամ այն սխալ դիրքով պահելու հետևանքով:
Մկանների ձգումը կարող է մեղմել ցավը
Պարանոցի ցավից խուսափելու համար անհրաժեշտ է համակարգչի էկրանը դնել աչքերին հավասար բարձրության վրա՝ ուղիղ նստելու և գլուխը չկախելու համար: Եթե նստած եք մեքենայի ղեկին կամ շարունակ նայում եք սմարթֆոնին, ապա աշխատեք հաճախ ընդմիջումներ անել խուսափեք և պարանոցը երկար ժամանակ թեք պահելուց: Պարանոցի ցավը թեթևացնելուն կօգնեն ճիշտ կատարված մկանների ձգումները: Ահա ձգումների մի քանի օրինակներ, որոնք կարող եք կատարել գրասեղանի մոտ կամ ղեկին նստած.
- Ուսերը պտտացրեք հետ և իջեցրեք ներքև՝ գործողությունը կրկնելով 10 անգամ
- Ուսի թիակները փորձեք մոտեցնել իրար՝ գործողությունը կրկնելով 10 անգամ
- Եթե մեքենայի մեջ եք, ապա գլուխը հետ հրեք և այդպես պահեք 30 վայրկյան
- Ականջը մոտեցրեք ուսին՝ գործողությունը կատարեք 2 կողմում՝ կրկնելով 10 անգամ
Հոգ տարե՛ք ձեր մասին նաև քնելիս
Պարանոցի հատվածում առաջացած ցավերի պարագայում պետք է ուշադրություն դարձնել նաև քնի դիրքերին: Խորհուրդ է տրվում քնել միայն մեջքի կամ կողքի վրա, բայց ոչ երբեք որովայնի վրա: Ստամոքսի վրա քնելիս մի քանի ժամ անց հնարավոր է, որ ստիպված տեղաշարժոենք գլուխը թմրածությունից խուսափելու համար: Այս դիրքով քնելը ազդում է նաև մեջքի վրա, քանի որ գոտկատեղը սեղմվում է մահճակալին ու ճնշում ամբողջ մեջքը: Պարանոցի հատվածում առաջացած այլ ցավերի դեպքում կիրառեք հետևյալ քայլերը.
- Տաքացրեք կամ սառը թրջոցներ դրեք ցավացող հատվածում: 48-72 ժամվա ընթացքում օգտագործեք սառույց, իսկ դրանից հետո տաքացրեք: Տաքացնել կարող եք տաք լոգանքներով, թրջոցներով: Զգույշ եղեք սառը կամ տաք թրջոցը պարանոցին չքնել՝ վնասվածքներից խուսափելու համար:
- Օգտագործեք այնպիսի ցավազրկողներ, ինչպիսիք են իբուպրոֆենը կամ ացետամինոֆենը:
- Շատ շարժվեք, բայց խուսափեք կտրուկ շարժումներից: Այսպես զգալիորեն կնվազի բորբոքվածությունը, և կմեղմանան ցավերը:
- Ֆիզիկական դանդաղ վարժություններ կատարեք: Դրանք կօգնեն զգուշորեն ձգել պարանոցի մկանները:
- Աշխատեք քնել հատուկ ներքնակի վրա՝ առանց բարձի կամ հենց պարանոցի համար նախատասված բարձով:
- Օգտագործեք պարանոցի համար նախատեսված հատուկ փափուկ օձիք, որը կօգնի վերացնել անհարմարության զգացումը:
Եթե պարանոցի ցավը ամեն դեպքում չի անցնում, պետք է դիմել բժշկին:
Թարգմանված նյութի սկզբնաղբյուրը՝ Cleveland clinic
