«Հեռանկարային զարգացման կենտրոն» ՀԿ-ն իրականացնում է «Ծխախոտի օգտագործման և երկրորդային ծխի վնասակար ազդեցությունների վերաբերյալ հանրության իրազեկման » ծրագիր ՀՀ Նախագահի գործընկեր կազմակերպության ՝ Հայաստանի երիտասարդական հիմնադրամի հայտարարած դրամաշնորհային մրցույթի շրջանակներում:
Ծրագրի նպատակն է.
1. առողջ և իրազեկ հասարակության ձևավորում,
2. ծխախոտի օգտագործման և երկրորդային ծխի վնասակար ազդեցությունների վերաբերյալ հասարակությանը լիարժեք և փաստարկված տեղեկատվության տրամադրում,
3. ծխախոտի իրացման, սպառման և օգտագործման սահմանափակումների մասին Հայաստանի Հանրապետության օրենքի վերաբերյալ հանրության տեղեկացվածության մակարդակի բարձրացում:
Ծրագրի շրջանակներում իրականացվելու է սոցիոլոգիական հետազոտություն, որը ուղված կլինի ծխախոտի օգտագործման և երկրորդային ծխի վնասակար ազդեցությունների վերաբերյալ ՀՀ բնակչության ընկալումների բացահայտմանը:
Ծրագիրը մեկնարկում է հոկտեմբերի 30-ին և ավարտվում է դեկտեմբերի 6-ին:
Ծրագրի ավարտին նախատեսվում է ծրագրի ամփոփման շնորհանդես:
