Մարտի 4-ը Ճարպակալման դեմ պայքարի միջազգային օրն է:
Ճարպակալումը քրոնիկական, գենետիկական հիվանդություն է, որի հիմքում ընկած է ավելցուկային ճարպերի կուտակումը օրգանիզմում:
Ճարպակալումը նպաստում է մի շարք հիվանդությունների առաջացման, ինչպիսիք են, օրինակ`
- շաքարախտը,
- լեղաքարային հիվանդությունը,
- աթերոսկլերոզը,
- հիպերտոնիան,
- սրտամկանի ինֆարկտը:
Ինչպե՞ս հասկանալ՝ արդյոք Ձեզ մոտ առկա է ճարպակալում
Առողջապահության համաշխարհային կազմակերպության կողմից միջազգային չափանիշ է դարձել բանաձեւը, որով որոշվում է մարմնի զանգվածի ինդեքսը (BMI):
Այն որոշելու համար քաշը բաժանում ենք հասակի քառակուսու վրա: Օրինակ, եթե Ձեր քաշը 85 կգ է, հասակը՝ 165 սմ, ապա մարմնի զանգվածի ինդեքսը հաշվարկվում է հետեւյալ կերպ՝ 85: (1,65 × 1,65) = 31,2: Ստացված թիվն էլ հենց կհուշի Ձեզ՝ արդյոք ունեք ճարպակալում, թե ոչ:
Եվ այսպես, եթե հաշվարկի արդյունքում BMI ցուցանիշը կազմել է՝
25-30 - ունեք ավելորդ քաշ
30-35 - 1-ին կարգի ճարպակալում
35-40 - 2-րդ կարգի ճարպակալում
40-45 - 3-րդ կարգի ճարպակալում
45 եւ բարձր - մորբիդ ճարպակալում ( կյանքի համար խիստ վտանգավոր):
Աղբյուրը՝ Doctors.am
