Հունիսի 19-ը մանգաղաձև բջջային սակավարյունության մասին իրազեկման համաշխարհային օրն է։
- Այն ժառանգական հիվանդություն է, որի դեպքում հեմոգլոբինի կառուցվածքը խախտվում է։ Դա բերում է կոպիտ, մանգաղի նման էրիթրոցիտների առաջացմանը։ Հեմոլիտիկ ճգնաժամերի ժամանակ հիվանդների մոտ տեղի է ունենում հեմոգլոբինի մակարդակի կտրուկ անկում, որն ուղեկցվում է բարձր ջերմությամբ, սև գույնի մեզի առաջացմամբ և այլն։
- Ունի տարբեր ախտանիշների լայն շրջանակ, ուստի այն միանգամից ճանաչելը հեշտ չէ: Մանգաղաձև անեմիայով նորածինները սովորաբար առողջ տեսք ունեն, հետևապես հիվանդությունը կարող է հայտնաբերվել արդեն տարիքի հետ։
- Մանգաղաձև բջջային անեմիան սովորաբար մահացու բարդություններ չի առաջացնում, սակայն 5 տարեկանից ցածր հիվանդ երեխաների համար տարբեր վարակները կարող են դառնալ շատ վտանգավոր, իսկ մեծահասակ հիվանդների 10%-ի մոտ տեղի է ունենում ուղեղի անոթների խցանում, ինչը կարող է հանգեցնել ինսուլտի։
- Բուժումը ներառում է կանոնավոր վերականգնողական միջոցառումներ, ինչպես նաև բարդությունների դեպքում հատուկ օժանդակ թերապիա։
Մանգաղաձև անեմիայի համաշխարհային օրը ևս մեկ անգամ բժիշկների ու միջազգային հանրության ուշադրությունն է հրավիրում այս խնդրի վրա՝ հիշեցնելով, թե որքան կարևոր է բաց չթողնել ախտանիշները՝ հիվանդին ժամանակին օգնություն ցույց տալու համար։
